Masat e qeverisë ndaj protestave
“Exclusive” në Top Channel analizoi sot në mbrëmje kërkesën për dorëheqjen e kryeministrit Edi Rama, e cila u shoqërua me revolta të dhunshme dhe refuzim të dialogut. Kjo kërkesë u pasua nga një reagim i ashpër ligjor nga qeveria, që ka hapur tashmë një debat të ri mes sigurisë publike dhe lirive kushtetuese.
“Çdo person që merr pjesë në një tubim të dhunshëm dhe nuk largohet pas paralajmërimit të policisë do t’i përgjigjet financiarisht, me gjobë deri në 500.000 lekë. Dënohet kush bën thirrje publikisht, edhe në rrjetet sociale, për dhunë, plaçkitje ose shkatërrim gjatë një tubimi”, njoftoi Rama disa ditë më parë.
Nga fjalët e liderit socialist, akti normativ dhe propozimet për ashpërsimin e Kodit Penal tregojnë se përgjigjja e qeverisë ndaj dhunës në rrugë po merr formën e sanksioneve më të rënda, ku policia merr një rol të ri.
Gjobat deri në 500.000 lekë bazohen në logjikën se kush shkel, paguan. Tubimet mund të kufizohen deri në 72 orë pranë institucioneve të cilësuara si zona të mbrojtura. Masat përfshijnë gjithashtu ndalimin e fshehjes së fytyrës dhe të qëndrimit në protesta të dhunshme, si dhe një regjistër të posaçëm elektronik për personat nën hetim.
Reagimet e juristëve ndaj aktit normativ
Avokati Alban Duraj ka ngritur pretendime për paligjshmëri në procedurën
Burimi: top-channel.tv
