Analisti Ben Andoni, i pranishëm në emisionin “3D” të drejtuar nga Alban Dudushi, ka dhënë vlerësimin e tij për atmosferën që vuri re në Serbi gjatë periudhës së zgjedhjeve. Ai theksoi se, edhe pse situata dukej e qetë, elementët nacionalistë vazhdojnë të jenë të pranishëm në diskursin publik.
Vëzhgimi i Andonit për situatën në Serbi
Sipas Andonit, deri në mesditë gjendja ishte shumë e qetë, por një moment i veçantë tërhoqi vëmendjen e tij dhe e ndihmoi të kuptonte më mirë klimën politike e shoqërore në atë vend.
“Deri në drekë, situata ka qenë jashtëzakonisht e qetë. Ajo që më bëri përshtypje dhe që ma shpjeguan edhe njerëzit atje ishte se Srdanoviç, i cili është mbartësi i Listës së Studentëve, me karizmën e tij, pasi përfundoi fjalimin nisi të këndonte një këngë tradicionale serbe për Kosovën. Fjalët ishin përshtatur duke futur elementë të Listës Studentore dhe kjo të bën të kuptosh se pjesa e nacionalizmit është ende pjesë e ADN-së së tyre”, u shpreh Andoni.
Simbolika e tre gishtave
Ai shtoi se simbolika që shoqëron këto manifestime mbetet e njëjtë, duke iu referuar edhe përdorimit të shenjës së njohur me tre gishta.
“Andaj kuptohet që simbolika është e njëjtë me atë të tre gishtave”, deklaroi analisti.
Burimi: www.gazetaexpress.com
