Presidentja e Republikës së Kosovës, Justina Shiroka Pula, priti në takim drejtorin e lartë për Evropë dhe Euroazi në Institutin Republikan Ndërkombëtar (IRI), Stephen B. Nix. Gjatë takimit diskutuan për zhvillimin demokratik të Kosovës dhe për bashkëpunimin shumëvjeçar me këtë institut.
Vlerësimi për kontributin e IRI-së
Presidentja Shiroka Pula vlerësoi kontributin e IRI-së në avancimin e demokracisë dhe në forcimin e institucioneve demokratike në Kosovë. Ajo theksoi mbështetjen për partitë politike, përmirësimin e organizimit të tyre dhe zhvillimin e komunikimit me qytetarët. Ajo përshëndeti gjithashtu bashkëpunimin me Kuvendin dhe angazhimin për fuqizimin e grave në politikë dhe në vendimmarrje.
Institucionet dhe besimi i qytetarëve
Duke folur për zhvillimet në vend, Presidentja tha se konsolidimi i demokracisë kërkon institucione funksionale, respektim të ndarjes së pushteteve, pavarësi të gjyqësorit dhe përgjegjësi institucionale. Ajo nënvizoi rëndësinë e ruajtjes së rendit kushtetues, të respektimit të kompetencave të secilit institucion dhe të forcimit të besimit të qytetarëve te institucionet e vendit.
Fushat e mundshme të bashkëpunimit
Në takim u diskutua edhe për mundësitë e zgjerimit të bashkëpunimit mes institucioneve të Kosovës dhe IRI-së. Fokusi ishte në edukimin demokratik, luftimin e dezinformimit dhe promovimin e debatit politik. U prekën gjithashtu çështje që lidhen me sigurinë rajonale dhe me perspektivën euroatlantike të Kosovës./KultPlus.com
Burimi: kultplus.com
