Nga: Ben Blushi
Një nga enigmat më të mëdha të Tiranës është origjina e emrit të qytetit.
Çfarë do të thotë Tiranë? Kush e përdori për herë të parë këtë fjalë? Në cilin vit? Dhe pse u zgjodh ky emër e jo një tjetër?
Versionet e qarkulluara
Janë pesë versione që kanë qarkulluar, dhe do t’i përmbledh më poshtë.
Disa thonë se emri Tiranë vjen nga një kala. Të tjerë e lidhin me një prodhues vere, me fjalën djathë, me thurrjen e një triko leshi, ose me Teheranin, kryeqytetin e sotëm të Iranit.
Me pak fjalë, sipas versionit të fundit Tirana u themelua në vitin 1614 si një lloj Teherani i ri, një Teheran Evropian.
Interpretimi im
Sipas meje, emri nuk vjen as nga një copë djathë, as nga një triko leshi, as nga prodhuesi i dehur i verës, as nga kalaja e Turjanit dhe as nga Teherani.
Unë besoj se emri i Tiranës vjen nga fjala tiran, që rrjedh nga fjala pellazge tyrannos, e cila përshkruan një njeri që rrëzon mbretërit dhe qeveris në emër të popullit.
Në fillim tyrannosët, apo tiranët, ishin demokratë dhe popullorë, por me kalimin e kohës u bënë të egër dhe gjakatarë.
Askujt nuk duhet t’i vijë keq që fjala Tiranë vjen nga fjala tiran.
Për të kuptuar argumentat që më kanë bindur se tirani i parë ka jetuar disa mijëra vjet më parë në zonën e Tiranës së sotme, duke i dhënë qytetit emrin e vet, lexoni romanin tim Historitë e Cmendura të Tiranës, që gjendet në çdo librari.
Burimi: insajderi.org
