Kalo te përmbajtja

Lajme të shpejta, të verifikuara dhe të paanshme

Lajm i fundit
Kulturë

Kuarteti Harkor i Filharmonisë së Kosovës sjell tingujt e muzikës shqiptare në Izmir

Kuarteti Harkor i Filharmonisë së Kosovës sjell tingujt e muzikës shqiptare në Izmir
Foto: kultplus.com

Muzika shqiptare do të jetë në qendër të një mbrëmjeje artistike në Izmir të Turqisë, ku Kuarteti Harkor i Filharmonisë së Kosovës, së bashku me sopranon Adelina Paloja, do të prezantojnë një program të veçantë muzikor për publikun turk.

Detajet e koncertit

Koncerti mbahet më 21 nëntor 2026, në kuadër të manifestimit “Ditët e Kosovës në Izmir”, të organizuar nga Komuna Metropolitane e Izmirit. Përmes një përzgjedhjeje të këngëve më të njohura dhe të dashura shqiptare, artistët do t’i sjellin skenës së Izmirit melodinë, ndjeshmërinë dhe identitetin e muzikës shqiptare.

Artistët dhe interpretimi

Në këtë paraqitje, Kuarteti Harkor përbëhet nga Festim Fanaj dhe Gëzim Latifi në violinë, Njomzë Bislimi në violë dhe Fjolla Asllanaj në violonçel, ndërsa interpretimet vokale do të realizohen nga sopranoja Adelina Paloja.

Koncerti do të mbahet në hapësirat e Fabrikës Historike të Gazit (İzmir Tarihi Havagazı Fabrikası), duke e kthyer këtë aktivitet në një mundësi për promovimin e trashëgimisë muzikore shqiptare dhe prezantimin e artistëve të Kosovës para publikut ndërkombëtar./KultPlus.com

Burimi: kultplus.com

Të fundit Të gjitha