Edhe protesta e sotme në Tiranë u karakterizua nga tensione të ndryshme.
Policia dhe protestuesit patën vetëm disa momente “qetësie”, pasi tubuesit hodhën gurë dhe molotovë në drejtim të forcave të rendit, të cilat u përgjigjën me ujë me presion të lartë.
Rrëzimi i dronit dhe pengesat në rrugë
Një moment që shkaktoi tensione të shtuara ishte rrëzimi i një droni, që dyshohet se i përkiste policisë. Protestuesit duket se kishin një shenjë të qartë dhe arritën ta rrëzojnë dronin që po filmonte sipër tyre.
Ndërkohë, siç shihet në pamjet e siguruara nga gazetarja e Top Channel, Anila Hoxha, protestuesit kanë gjetur një mënyrë tjetër për të ngadalësuar autobotet e ujit të policisë, të cilat përdoren për t’i ndjekur dhe shpërndarë ata. Bëhet fjalë për tela që shpojnë gomat e makinave, të cilët janë hedhur në bulevard.
Burimi: top-channel.tv
