Një grua 67-vjeçare që po ecte në këmbë ka ndërruar jetë pas një aksidenti rrugor në zonën e njohur si “Ura e Bahçallëkut”, në Shkodër.
Aksidenti në Shkodër
Nga të dhënat fillestare, dyshohet se një makinë e drejtuar nga një shtetase 27-vjeçare me inicialet B. P. ka humbur kontrollin, ka dalë jashtë rrugës dhe është përplasur me shkallët metalike të një ndërtese.
Për shkak të përplasjes, ka humbur jetën këmbësorja 67-vjeçare me inicialet E. B., e cila në atë moment po ecte në trotuar.
Hetimet e policisë
Policia ka mbërritur në vendin e ngjarjes, ndërsa grupi hetimor po vijon punën për të sqaruar të gjitha rrethanat e aksidentit.
Burimi: top-channel.tv