E ardhmja e Edon Zhegrovës te Juventusi duket gjithnjë e më e largët nga Torino. Klubi francez Monaco ka shfaqur interes konkret për sulmuesin anësor kosovar, i cili mund të kthehet në Ligue 1 që në janar.
Një transferim që nuk funksionoi
Zhegrova, 26 vjeç, u transferua nga Lille te Juventusi në verën e vitit 2025 për 15.5 milionë euro, plus 3 milionë euro bonuse. Ai ka kontratë deri në vitin 2030, me pagë prej 2.5 milionë eurosh neto në sezon. Megjithatë, aventura bardhezi nuk ka përmbushur pritshmëritë: vetëm 2 gola dhe 2 asistime në 36 ndeshje, ndërsa së fundi pësoi një tjetër dëmtim gjatë grumbullimit me Kosovën.
Shkëmbimi i mundshëm me Balogun
Interesi i Monacos mund t’i hapë rrugën Juventusit për Folarin Balogun, sulmuesin amerikan 25-vjeçar, të cilin Luciano Spalletti e konsideron përforcim prioritar, përpara alternativës Alexander Sørloth të Atletico Madridit.
Balogun, i cili ka humbur vendin në formacionin e Monacos, kërkon prej muajsh largimin. Pavarësisht diferencës në vlerën e kartonëve dhe kufizimeve financiare të klubit francez, po shqyrtohet mundësia e një shkëmbimi mes dy futbollistëve. Juventusi shpreson t’i sigurojë Spallettit qendërsulmuesin e kërkuar, duke larguar një lojtar që nuk bën më pjesë në planet e tij.
Burimi: telesport.al









