Rinovimi i kontratës
Bayern Munich ka zyrtarizuar rinovimin e kontratës me sulmuesin anglez Harry Kane, i cili do të vijojë aventurën me gjigantët bavarezë deri më 30 qershor 2029.
Kapiteni i Anglisë, i cili u transferua në Mynih nga Tottenham në verën e vitit 2023, është shndërruar në një prej figurave kryesore të skuadrës. Në 161 ndeshje zyrtare në të gjitha kompeticionet, Kane ka realizuar plot 156 gola, duke konfirmuar vlerat e tij si një prej sulmuesve më të mirë në futbollin europian.
Reagimi i Kane
Pas rinovimit, sulmuesi anglez nuk e fshehu kënaqësinë për vazhdimin e bashkëpunimit. “Ndjehem plotësisht si në shtëpinë time te Bayern Munich. E dua klubin, tifozët dhe qytetin. Kemi një skuadër fantastike dhe një trajner të veçantë si Vincent Kompany. Jam krenar që jam pjesë e këtij klubi dhe familja ime është shumë e lumtur këtu. Dua të fitoj edhe shumë trofe të tjerë”, u shpreh Kane.
Arritjet individuale
Në aspektin individual, Kane ka fituar Këpucën e Artë të Bundesligës në çdo sezon me Bayernin, ndërsa ka siguruar edhe dy Këpucë të Arta Europiane, për sezonet 2023-2024 dhe 2025-2026.
Burimi: kohajone.com
