Boksieri shqiptar Ardian Krasniqi po shfaq një formë të jashtëzakonshme, duke e dëshmuar këtë sonte me një fitore të re bindëse në ring.
Një spektakël i vërtetë u zhvillua në “SCHARRena” të Stuttgartit. Nipi i legjendës së boksit shqiptar, Luan Krasniqi, triumfoi ndaj venezuelianit Ricardo Guarapana, duke e nokautuar në raundin e tretë.
Fitorja e 14-të profesioniste
Me këtë fitore, Ardian Krasniqi regjistron suksesin e 14-të në karrierën e tij profesioniste, po aq ndeshje të fituara sa ka zhvilluar.
Ambicie për të ardhmen
Krasniqi i bëri krenarë shqiptarët me paraqitjen e tij në ring. Ai dëshmoi edhe një herë nivelin e lartë dhe ambiciet për të vazhduar rrugëtimin drejt majave të boksit profesionist.
Burimi: insajderi.org
