Fëmijët që rriten me mbështetje, mirëkuptim dhe komunikim të hapur mësojnë të kenë besim te vetja, të pranojnë gabimet dhe të kuptojnë emocionet e të tjerëve. Nëse i keni dëgjuar shpesh këto fjalë gjatë fëmijërisë, ka shumë mundësi që ato të kenë ndikuar në mënyrën si e shihni veten dhe si silleni me të tjerët sot.
Shtatë shprehje që prindërit e mirë ua përsërisin fëmijëve
1. “Ne jemi këtu për ty, pavarësisht gjithçkaje”
Fëmijët që e dinë se dashuria e prindërve nuk varet nga notat apo sukseset, rriten me më shumë siguri në vetvete. Nuk kanë frikë të gabojnë, të provojnë gjëra të reja apo të përballen me dështimin.
2. “Si mendon se ndihet ai?”
Kjo pyetje i mëson fëmijët të shohin situatat edhe nga këndvështrimi i të tjerëve. Ata zhvillojnë empati, kuptojnë pasojat e sjelljes së tyre dhe mësojnë të trajtojnë njerëzit me respekt.
3. “Po të dëgjoj”
Kur prindërit i dëgjojnë me vëmendje, fëmijët mësojnë se emocionet dhe mendimet e tyre kanë rëndësi. Si të rritur, ata komunikojnë më hapur dhe nuk ndiejnë nevojën t’i fshehin vazhdimisht ndjenjat për të kënaqur të tjerët.
4. “Unë besoj tek ti”
Prindërit që nuk ndërhyjnë për të zgjidhur çdo problem, por i lejojnë fëmijët të përpiqen vetë, u japin mundësinë të zhvillojnë pavarësinë. Kjo i ndihmon të rritur me më shumë vetëbesim dhe guxim për të dalë nga zona e rehatisë.
5. “Çfarë mund të bësh ndryshe herën tjetër?”
Në vend që t’i turpërojnë për gabimet, këta prindër i ndihmojnë fëmijët të kuptojnë çfarë mund të përmirësojnë. Si të rritur, ata e pranojnë më lehtë kritikën dhe nuk e shohin çdo gabim si dështim personal.
6. “Le të flasim për këtë”
Prindërit që nuk shmangin bisedat e vështira i mësojnë fëmijët të shprehin atë që ndiejnë. Kjo i ndihmon të ndërtojnë marrëdhënie më të shëndetshme dhe të mos reagojnë duke u mbyllur në vetvete sa herë përballen me emocione të forta.
7. “Duket se po kalon diçka të vështirë”
Në vend që të japin menjëherë këshilla, prindërit e mirë fillimisht pranojnë atë që po përjeton fëmija. Shprehje të tilla i ndihmojnë fëmijët të mos i shtypin emocionet, por t’i kuptojnë dhe t’i përballojnë.
Burimi: anabelmagazine.com
