Gimbo ka hasur një tjetër situatë të pakëndshme, vetëm pak ditë pas vjedhjes së makinës së tij. Partnerja e tij, Selin Bollati, ka bërë të ditur përmes rrjeteve sociale se dikush ia ka marrë aksidentalisht telefonin gjatë mbrëmjes së kaluar.
Njoftimi në Instagram
Selini e ka ndarë lajmin me një postim në Instagram, ku e ka shoqëruar njoftimin me humor. Ajo ka shkruar se telefoni i Gimbos është marrë për gabim nga dikush gjatë natës.
“Vazhdojmë me serialin… Dikush mbrëmë aksidentalisht ka marrë dhe telefonin e Gimbos me vete”, shkroi Selini.
Ajo i është drejtuar edhe personit që mund ta ketë marrë pajisjen, duke i kërkuar ta kthejë nëse e lexon postimin.
“Please, nëse po më lexon dhe të ka dalë pija e mbrëmshme, na e kthe”, shkroi ajo, duke sugjeruar se telefoni mund të jetë marrë gjatë një daljeje në mbrëmje.
Detajet e telefonit
Selini ka dhënë edhe të dhëna për pajisjen, duke treguar se bëhet fjalë për një iPhone 17 Pro Max me ngjyrë blu. Ajo ka publikuar edhe fotografinë që telefoni ka si sfond, për ta bërë më të lehtë identifikimin.
Mbetet të shihet nëse telefoni do të kthehet tek Gimbo.
/Prive By LS
Burimi: privebruto.com
