Ekspozita ndërkombëtare “Euro Kosova Art 2026” hapet sot, më 14 nëntor, në orën 18:00, në Flori Gallery, në Prishtina Mall, duke shënuar një nga ngjarjet përmbyllëse të edicionit të 15-të të festivalit.
Ekspozita përfshin punime të 30 artistëve nga 14 shtete, të prezantuara nën temën “Një botë e lirë me art”.
Sipas programit të festivalit, para hapjes ceremoniale do të bëhen përgatitjet dhe vendosja e veprave në galeri, ndërsa ceremonia zyrtare do të zgjasë nga ora 18:00 deri në 19:30.
Pas hapjes së ekspozitës, artistët dhe organizatorët do të marrin pjesë në darkën dhe mbrëmjen përmbyllëse të festivalit, e cila do të vazhdojë deri në mesnatë.
Festivali do të përfundojë të dielën, më 15 nëntor, kur artistët pjesëmarrës do të nisin kthimin drejt vendeve të tyre./KultPlus.com
Burimi: kultplus.com
