Stina e vjeshtës ofron pjata bujare dhe shije të pagabueshme. Me ngjyra dhe aroma unike që zbukurojnë tryezat, këto receta të sezonit janë një kombinim ideal i perimeve si kërpudhat, kungujt apo patatet, deri te frutat, të cilat përshtaten me erëzat vjeshtore. Ja disa pjata që do të doni t’i gatuani përsëri.
Bukë franceze me mollë dhe dardha
Përbërësit: 2 mollë, 1 dardhë, 4 vezë, 100 ml krem të lëngshëm, 70 g sheqer kaf, 1 lugë kanellë, 1 bukë e ndenjur dhe gjalpë.
Përgatitja: Qëroni dhe grijini në feta mollët dhe dardhën. Rrihni vezët, pastaj shtoni kremin, sheqerin kaf dhe kanellën. Pritini bukën e ndenjur në feta me trashësi 2 cm dhe vendosini në një tepsi të lyer me gjalpë. Shtroni frutat e prera mbi feta, pastaj hidhni sipër përzierjen e vezëve. Lërini për 10 minuta derisa të përthithet nga buka dhe pastaj shtojini sipër copa të vogla gjalpë dhe vendoseni të piqet në furrë për 35 minuta. Ju bëftë mirë!
Burimi: bordo.al
