Romina Alku, e njohur për publikun si “Sofia” e “Zonë e Lirë”, ka ndarë lajmin se është bërë nënë për herë të parë. Ish-asistentja e Arian Çanit ka sjellë në jetë një djalë, të cilin e ka pagëzuar Drin. “Sot bota jonë u bë më e bukur, zemrat tona më të mbushura dhe jeta jonë mori kuptimin më të ëmbël”, shkroi ajo në rrjetet sociale.


Vitet në “Zonë e Lirë”
Romina qëndroi për nëntë vite në krah të Arian Çanit, duke u bërë asistentja më jetëgjatë e moderatorit në këtë format. Ajo u largua nga “Zonë e Lirë” në vitin 2016, pas një periudhe që u shoqërua me diskutime në media.
Personazhi “Sofi”
‘Sofi’ nuk ishte emri i vërtetë i Rominës, por emri artistik që Arian Çani kishte zgjedhur për asistentet e ‘Zonë e Lirë’. Një personazh që ndër vite u bë pjesë e identitetit të emisionit, pavarësisht se vajzat që e mishëronin ndryshonin.”
Burimi: bordo.al










