Pacientët që i janë nënshtruar transplantit të veshkës dhe fëmijët me sëmundje autoimune po përballen me një krizë furnizimi, pasi në Qendrën Klinike Universitare të Kosovës mungojnë dozat e tabletave Ciclosporinë prej 25 mg dhe 50 mg, të cilat janë jetike për ruajtjen e organit të transplantuar.
Pacientët e prekur nga mungesa
Nazmi Hysni, i cili prej 22 vitesh jeton me një veshkë të dhuruar pasi i ka shpëtuar dializës, tregon se doza prej 25 mg mungon që nga muaji maj, ndërsa ajo prej 50 mg ka filluar të mungojë kohët e fundit. Ai shton se prej se ka pasur nevojë për këto terapi, furnizimi nuk ka qenë asnjëherë i qëndrueshëm.
Për më tepër, situata bëhet edhe më alarmante pasi pacientët jo vetëm që detyrohen t’i blejnë vetë këto barna me kosto të lartë, por ato shpesh as nuk mund të gjenden në tregun farmaceutik në Kosovë.
Kërkesa për njoftim të hershëm
Ndërkaq, Hyseni ka një lutje për QKUK-në, ku të paktën t’i paralajmrojnë më herët për mungesën e barnave, pasi mundësitë e tyre financiare janë të kufizuara dhe ndërprerja e terapisë ua rrezikon jetën.
QKUK-ja e ka konfirmuar për Klan Kosovën mungesën e terapisë imuno-supresive, si për barnat Ciclosporinë 25 mg dhe 50 mg, ashtu edhe për Tacrolimus 0.5 mg. Sipas saj, për Tacrolimus ekziston një zëvendësues, ai prej 1 mg.
Sipas së njëjtës burim, më 16 tetor 2026 është iniciuar procedura e prokurimit për Ciclosporinë, kapsulë 50 mg.
Burimi: insajderi.org
