Alejandro Balde po shqyrton largimin nga Barcelona gjatë afatit kalimtar të janarit 2027, pasi minutat e pakta në fushë tregojnë se roli i tij në planet e Hansi Flickut është zvogëluar.
Minuta të pakta në fushë
Mbrojtësi i majtë, 23 vjeç, ka luajtur gjithsej 124 minuta në pesë ndeshje këtë sezon. Kohët e fundit, situata e tij është përkeqësuar edhe më shumë, deri në atë pikë sa ka mbetur në stol edhe kur dëmtimet kanë kufizuar opsionet e trajnerit në mbrojtje.
Në ndeshjen e fundit ndaj Atletico Madridit, Barcelona ishte pa Jules Kounden dhe Xavi Espartin, ndërsa Andreas Christensen dhe Eric Garcia sapo ishin kthyer nga dëmtimet. Megjithatë, Flick zgjodhi Brian Farinasin në krahun e djathtë dhe Joao Cancelon në të majtin, ndërsa Balde nuk u aktivizua.
Ndryshimet gjatë pjesës së dytë
Zgjedhjet e Flickut në pjesën e dytë e bënë situatën më të qartë. Pas pushimit, ai nxori Farinasin dhe vendosi Frenkie De Jongun në krahun e djathtë të mbrojtjes, pa i dhënë Baldes mundësinë të luajë dhe pa e zhvendosur Cancelon në krahun tjetër.
Edhe në ndeshjet e mëparshme, minutat e Baldes kanë qenë të kufizuara. Kundër Alavesit ai hyri në lojë në minutën e 62-të, ndërsa përballë Aston Villas në Ligën e Kampionëve u aktivizua vetëm në tetë minutat e fundit.
Interesimi nga Roma
Roma ka shfaqur interes për mbrojtësin spanjoll dhe po përgatit një ofertë për transferimin e tij. Barcelona raportohet se e vlerëson Balden rreth 40 milionë euro, shifër që mund të hapë rrugën për një marrëveshje në janar.
Burimi: www.albeu.com
