Ministri i Drejtësisë, Toni Gogu, ka dhënë urdhër për inspektimin e 24 transferimeve të të burgosurve që janë kryer gjatë 11 ditëve të fundit, konkretisht në periudhën 16–27 tetor.
Transferimi i Erion Veliajt
Sipas burimeve për Report tv, në këtë proces inspektimi përfshihet edhe transferimi i kryebashkiakut të Tiranës, Erion Veliaj, nga burgu i Durrësit në atë të Fierit.
Për rastin e Veliajt, Ministria e Drejtësisë do të kërkojë informacion mbi procedurat e ndjekura për realizimin e transferimit, me qëllim verifikimin e mënyrës se si është zbatuar procedura përkatëse.
Verifikimet për rastet e tjera
Ndërkohë pritet që verifikimet të hedhin dritë mbi procedurat e ndjekura edhe për rastet e tjera të transferimit të të burgosurve gjatë kësaj periudhe.
Burimi: shqiptarja.com
