Kryetari i Partisë Demokratike, Sali Berisha, ka reaguar ndaj raportimeve për dhunimin e Ergys Agasit në burg, duke shprehur dyshime se mund të jetë tentativë për ta detyruar të heshtë dhe për të bllokuar zbardhjen e informacioneve që ai zotëron.
Në reagimin e tij në Facebook, ku citon një nga mediat që ka publikuar lajmin, Berisha thekson se shteti ka përgjegjësinë të garantojë sigurinë e Agasit dhe të mos lejojë ushtrimin e presionit ndaj tij.
Sali Berisha dhe dyshimet për presion ndaj Agasit
Berisha shtron pyetjen se kush po thotë të vërtetën për atë që ka ndodhur në burg, ndërsa paralajmëron se, sipas tij, Padrino synon të zhdukë bashkëpunëtorët.
‘Padrino do të zhduk bashkëpunëtorët!’, shkruan Berisha.
Postimi i plotë:
Gazeta SOT raporton se Ergys Agasi është dhunuar nga dy të dënuar me burgim të përjetshëm për ta detyruar të heshtë. Ndërkohë, burime të tjera përmendin një masë disiplinore pas gjetjes së një celulari. Kush po thotë të vërtetën?
Pyetja nuk është vetëm çfarë di Ergys Agasi. Pyetja është nëse shteti mund të garantojë që ai të flasë lirshëm për gjithçka që di, pa kërcënime dhe pa presione.
Burimi: gazetashqiptare.al
