Poezi nga Mitrush Kuteli
Bie shi,
Adrianë,
bie shi i qetë mbi qytet,
shi që më bluan dhe më vret,
dhe nuk di ku të shkoj
nëpër Tiranë.
Të kërkoj,
Adrianë,
me ankth nëpër qytetin e shkretë,
ku retë shtrydhen
dhe dielli nuk lind e nuk perëndon
mbi Tiranë.
O sa çudi,
Adrianë,
të duash të mos jesh njeri,
dhe gurëve t’u kesh zili,
sepse gurët nuk vuajnë kur bie shi
mbi Tiranë!
Burimi: kultplus.com










