Kalo te përmbajtja

Lajme të shpejta, të verifikuara dhe të paanshme

Lajm i fundit
Kulturë

Ansambli Popullor shfaqet në Skoci para festave kombëtare

Ansambli Popullor shfaqet në Skoci para festave kombëtare
Foto: reporteri.al

Më 23 nëntor 2026, Edinburgu do të mirëpresë spektaklin “Shqipëria përmes syve të Bajronit”, një mbrëmje artistike ku do të interpretojë Ansambli Kombëtar i Këngëve dhe Valleve Popullore.

Ansambli Popullor kthehet në Skoci për herë të parë pas 70 vjetësh, duke sjellë historinë, poezinë, muzikën dhe traditat shqiptare. Aktiviteti do të mbahet në skenën prestigjioze të Assembly Rooms dhe organizohet nga Empowered Women of Diaspora (EWD).

Lidhja historike me Bajronin

Më shumë se dy shekuj më parë, poeti i madh romantik britanik, Lord Bajroni, udhëtoi në trojet shqiptare dhe mbeti i magjepsur nga peizazhet, veshjet tradicionale, karakteri dhe mikpritja e shqiptarëve. Takimi i tij historik me Ali Pashë Tepelenën dhe përjetimet e udhëtimit u bënë pjesë e një trashëgimie letrare që vazhdon të lidhë Shqipërinë me Britaninë e Madhe. Kjo lidhje historike dhe kulturore vjen përmes spektaklit të 23 nëntorit, duke sjellë një takim simbolik mes Shqipërisë që frymëzoi poetin britanik dhe Shqipërisë që vazhdon të ruajë me krenari identitetin e saj kulturor.

Vepra e Lordit Bajron do të interpretohet nga poeti dhe autori, Robert Wilton.

Artistët dhe bashkëpunimet

Nën drejtimin artistik të Sokol Marsit, Ansambli Kombëtar i Këngëve dhe Valleve Popullore do të sjellë një repertor të pasur. Koreografia do të realizohet nga mjeshtëri i Valleve, Genci Kastrati, ndërsa prezantimi do t’i besohet moderatores Suela Demiri. Mes emrave të tjerë që do të performojnë janë tenori Aranit Hoxha, këngëtarja Denisa Gjeso, valltarët Mariana Shkreta, Katerina Konini, Flavio Xhaferri, Reji Berisha, Mirjan Llapushi, Kejsi Koxhaj dhe Enkeleda Agolli, si dhe instrumentistët e Ansamblit Artan Shabani, Arbin Alimeri, Ermal Sela, Armand Ferra, Flogert Shatraj dhe Neki Kastrati.

Për realizimin e këtij aktiviteti EWD bashkëpunon me Agjencinë Kombëtare të Diasporës, Teatrin Kombëtar të Operës, Baletit dhe Ansamblit Popullor (TKOBAP), si dhe me Ministrinë e Turizmit, Kulturës dhe Sportit. /atsh/KultPlus.com

Burimi: kultplus.com

Të fundit Të gjitha