Rreth orës 18:00 në rrugën “Bujar Syla” në Gjakovë janë raportuar të shtëna me armë zjarri, ka bërë të ditur Vlera Krasniqi, zëdhënëse e policisë rajonale të Gjakovës.
I dyshuari paraqitet në polici
Sipas saj, personi i dyshuar është paraqitur vetë në Stacionin Policor të Gjakovës.
“Në bashkëpunim me Prokurorin e Shtetit, kundër tij janë nisur procedurat për veprat penale ‘Mbajtja në pronësi, kontroll ose posedim i paautorizuar i armëve’ dhe ‘Përdorimi i armës apo mjetit të rrezikshëm’”, ka theksuar Krasniqi.
Masat e ndërmarra ndaj të dyshuarit
Sipas urdhrit të prokurorit, i dyshuari është ndaluar për 24 orë.
Burimi: insajderi.org
