Ambasada Britanike në Prishtinë ka shprehur dhimbje të thellë pas vrasjes së Arlinda Zekajt, e cila kishte kërkuar mbrojtje nga institucionet e Kosovës, sepse kishte frikë se dhuna në familje po e rrezikonte jetën e saj.
“Askush që gjen guximin të kërkojë ndihmë nuk duhet të mbetet pa mbrojtje”, thuhet në deklaratën e ambasadës.
Ambasada Britanike kërkon mbrojtje për gratë
Sipas ambasadës, gratë që përballen me rrezikun e dhunës në familje duhet të marrin mbështetjen e nevojshme për të arritur sigurinë, pasi kjo është një çështje themelore e sigurisë.
Ambasada vlerësoi se ky rast nxjerr në pah nevojën për masa institucionale që i vënë të mbijetuarat në qendër, si dhe për bashkëpunim efektiv mes institucioneve, përgjegjshmëri dhe akses në drejtësi.
Ambasada shprehu ngushëllimet për familjen dhe të afërmit e viktimës, duke shpresuar se drejtësia do të vihet në vend.
Burimi: www.albeu.com
