Në një intervistë për emisionin “Tirana Live”, zëvendësministrja e Brendshme, Anisa Ruseti, ka komentuar situatën e krijuar gjatë protestës, duke bërë të ditur se 130 të mitur janë shoqëruar në komisariate.
Anisa Ruseti për protestën dhe të miturit
Ruseti theksoi se strukturat përkatëse po punojnë për zbardhjen e ngjarjeve, ndërsa disa nga autorët e veprave penale janë identifikuar përmes pamjeve filmike të publikuara në media dhe rrjetet sociale.
Ajo e cilësoi të papranueshme përfshirjen e të miturve në protestë, ndërsa nënvizoi se, pas qetësimit të situatës, do të shqyrtohet si sjellja e protestuesve, ashtu edhe respektimi i standardeve nga Policia e Shtetit. Ruseti u ndal gjithashtu te ndikimi që ngjarje të tilla mund të kenë në imazhin e Shqipërisë përballë aleatëve të Bashkimit Evropian.
Standardet e policisë dhe imazhi i Shqipërisë
“Kjo është një situatë dinamike, ka një pjesë të strukturës që po merret me zbardhjen. Kemi pasur fakte publike, që ishte arrestimi i një personi të huaj në protestë. Rrugëtimi i Shqipërisë drejt BE mund të jetë një prishje e imazhit me aleatët e BE.
Megjithëse mendoj se ne si shtet kemi ruajtur standardet. 130 të mitur janë shoqëruar në komisariate. Është e papranueshme përfshirja e minorenëve në protestë. Disa nga autorët e veprave penale janë identifikuar nga pamjet filmike në media, por edhe në rrjetet sociale.
Nuk është aspak e pëlqyeshme kur një efekt i policisë përballet me një minoren. Pasi situata të jetë qetësuar do të shikojmë të dyja anët e medaljes, protestuesit, por edhe standardet që janë ndjekur nga policia e shtetit”, tha Ruseti.
Burimi: abcnews.al
