Korça bëhet sot qendra e takimit të kinemasë ndërkombëtare me hapjen e edicionit të 13-të të KO:SH Film Fest.
Programi i festivalit në Korçë
Gjatë gjashtë ditëve, festivali do të paraqesë 100 filma të shkurtër nga 40 vende të botës. Projeksionet do të zhvillohen në Kinema Majestik dhe në Galerinë e Arteve Digjitale (GAD), duke e shndërruar qytetin në një vend takimi për artin, tregimet dhe përvojat që ofron kinemaja.
Festivali hapet sot, më 26 tetor, në orën 18:30, në Kinema Majestik, me filmin “DUA”, me regji të Blerta Bashollit.
Tema dhe hapësira për fëmijë
Me moton “WHAT WE IGNORE, REMAINS” (Ajo që shpërfillim, mbetet), edicioni i këtij viti synon të sjellë në vëmendje histori që nxisin reflektim dhe ftojnë publikun të shohë përtej çështjeve që shpesh mbeten në heshtje.
Një hapësirë e veçantë në program i kushtohet edhe fëmijëve, me shfaqje të planifikuara më 28, 29 dhe 30 tetor.
Gjatë gjashtë ditëve, KO:SH Film Fest pritet të krijojë në Korçë një atmosferë të veçantë kinematografike, duke bashkuar kultura, këndvështrime dhe rrëfime të ndryshme përmes fuqisë së filmit./atsh/KultPlus.com
Burimi: kultplus.com
