Një ngjarje e rëndë ka ndodhur në Krumë, ku ka ndërruar jetë një shtetas i Kosovës. Burri 47-vjeçar po drejtonte një automjet sportiv, i cili u përmbys aksidentalisht në livadhet e fshatit Domaj në Has.
Edhe vëllai i tij, 38 vjeç, ka mbetur i lënduar dhe ndodhet nën kujdesin e mjekëve në spitalin e Kukësit.
Njoftimi i plotë
Krumë/Informacion paraprak
Në livadhet e fshatit Domaj, njësia administrative Gjinaj, Has, dyshohet se një automjet sportiv është përmbysur aksidentalisht.
Për pasojë, ka humbur jetën shtetasi kosovar A. Q., 46 vjeç (drejtuesi i mjetit), ndërsa vëllai i tij, shtetasi V. Q., 38 vjeç, po trajtohet mjekësisht në spitalin e Kukësit.
Grupi hetimor po kryen veprimet për të sqaruar plotësisht rrethanat e aksidentit.
Burimi: lajmifundit.al
