Këshilli i Përgjithshëm i Lëvizjes Vetëvendosje zhvilloi një mbledhje gjatë ditës së sotme, në të cilën mori fjalën kryetari i partisë, Albin Kurti.
Fjalimi i Albin Kurtit
Përmbajtjen e fjalimit të tij ai e ndau edhe përmes një postimi në Facebook, ku bëri të ditur se të hënën pritet të miratohet projektligji për buxhetin e vitit 2027. “Të hënën, në mbledhjen e radhës së Qeverisë, pra pasnesër, do të miratojmë projektligjin për buxhetin e vitit 2027. Ky do të jetë një buxhet i projekteve kapitale, i përshpejtimit të rritjes ekonomike dhe i përmirësimit të cilësisë së vendeve të punës. Domethënë, jo vetëm më shumë vende pune, por vende pune me paga më të mira. Bëhet fjalë për buxhetin e rrugëve, hekurudhave dhe digave. Për herë të parë, buxheti për investime kapitale do të kalojë vlerën 1 miliardë euro. Po ashtu, do të ketë buxhet edhe për komunat, me gjithsej 908 milionë euro. Kjo përbën një rritje prej 2/3 në krahasim me buxhetin që kishim trashëguar, dhe kjo rritje vjen falë mbështetjes së vazhdueshme në rritje nga grantet qeveritare”, ka shkruar Kurti, mes të tjerash.
Burimi: pressonline.al
