Një shtetas 19-vjeçar u ndalua nga forcat e policisë gjatë protestës së studentëve që u zhvillua dje në kryeqytet, teksa pesë persona të tjerë u trajtuan në liri për sjellje në kundërshtim me ligjin.
Arrestimi i të riut
Bazuar në njoftimin e policisë, në pranga ka përfunduar O. C., 19 vjeç, i cili dyshohet se ka dëmtuar me mjete të forta xhamat e dritareve të ndërtesës së Gjykatës Kushtetuese.
Personat e tjerë të proceduar
Ndërkohë, dokumentacioni procedural iu përcoll Prokurorisë për veprime të mëtejshme, lidhur me veprat penale “Shkatërrimi i pronës”, “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Pengimi i qarkullimit të mjeteve të transportit”, “Kundërshtimi i punonjësit të policisë së rendit publik” si dhe “Shkelja e rregullave mbi lëndët plasëse dhe djegëse”.
Burimi: euronews.al
