Në Prishtinë, sot pritet të zhvillohet protesta e thirrur nga organizatori Durim Aliu, i cili ka bërë apel për një pjesëmarrje të gjerë në tubimin që fillon në orën 12:00, në Sheshin Skënderbeu.
Protesta në Prishtinë dhe kërkesa për dorëheqjen e kryeministrit
Në një postim në Facebook, Aliu theksoi se protesta nuk po organizohet për interesa partiake, por për qytetarët, familjet dhe të ardhmen e Kosovës.
Kërkesa kryesore e protestuesve është dorëheqja e kryeministrit Albin Kurti, e jo vetëm zëvendësimi i ministrave.
“Albin Kurti, ditët e llogaridhënies kanë ardhur! Nesër nuk dalim për parti, por për qytetarët, për familjet tona dhe për të ardhmen e Kosovës. Nuk kërkojmë ndërrim ministrash. Kërkojmë dorëheqjen e Albin Kurtit!”, kishte shkruar Aliu në thirrjen e tij për protestë.
Ai i ka bërë thirrje qytetarëve që të marrin pjesë në tubim, duke e përfunduar mesazhin me sloganin: “Republika është e qytetarëve!”.
Protesta pritet të fillojë sot në orën 12:00, në Sheshin Skënderbeu në Prishtinë.
Burimi: insajderi.org
