Këshilli i Komunës së Kumanovës ka miratuar një vendim për vëllazërim dhe partneritet me katër qytete nga rajoni dhe Azia, por asnjë prej tyre nuk ndodhet në Shqipëri apo Kosovë.
Konkretisht, bëhet fjalë për Herceg Novin në Mal të Zi, Sarajevën Lindore në Bosnjë e Hercegovinë, Çajetinën në Serbi dhe Karagandën në Kazakistan.
Fushat e bashkëpunimit
Marrëveshja parashikon projekte të përbashkëta në fushën e ekonomisë, kulturës, arsimit, sportit, turizmit dhe investimeve, si dhe shkëmbime delegacionesh e përvojash mes institucioneve.
Megjithatë, zgjedhja e këtyre partnerëve ngre dyshime: pse Kumanova nuk ka përfshirë asnjë qytet nga Shqipëria ose Kosova, me të cilat ka lidhje të forta historike, kulturore dhe njerëzore?
Mungesa e shpjegimit
Vendimi nuk jep arsye për këtë përzgjedhje, duke lënë kështu të hapur debatin mbi prioritetet e bashkëpunimit ndërmjet komunave.
Burimi: www.gazetaexpress.com
