Pjesëtarë të Forcës së Sigurisë së Kosovës (FSK) dhe Forcave të Armatosura të Republikës së Shqipërisë (FARSH) morën pjesë në një kurs të përbashkët trejavor për trajnimin e kërkim-shpëtimit malor, në nivelet bazë dhe të avancuara.
Aktiviteti u organizua në kuadër të planit të bashkëpunimit dypalësh mes dy forcave dhe synonte përmirësimin e aftësive profesionale si dhe forcimin e kapaciteteve operacionale për veprim në terrene malore.
Trajnimi i përbashkët i FSK-së dhe FARSH-it
Gjatë trajnimit, pjesëmarrësit punuan mbi aspektet teorike dhe praktike të teknikave të kërkim-shpëtimit. Vëmendje e veçantë iu kushtua përgatitjes për reagim ndaj emergjencave të ndryshme në mjedise malore.
Ky trajnim pasqyron angazhimin e përbashkët të FSK-së dhe FARSH-it për thellimin e bashkëpunimit, shkëmbimin e përvojës dhe zhvillimin e mëtejshëm të aftësive profesionale për kërkim-shpëtim malor.
Burimi: www.albeu.com
