TIRANË, 30 tetor/ATSH/ Drejtoria e Përgjithshme e Shërbimeve të Transportit Rrugor (DPSHTRR) po vazhdon të përmirësojë cilësinë e shërbimeve për qytetarët, duke ofruar mundësi më praktike dhe më të shpejta për të kryer pagesat në sportelet e saj.
Pagesat me kartë bankare në sportelet e DPSHTRR
Nga muaji prill 2026, kur filloi zbatimi i risisë së pagesave elektronike përmes terminaleve POS, e deri tani janë paguar 6,472 shërbime me kartë bankare në sportelet e DPSHTRR.
Kjo mundësi u ofron qytetarëve një alternativë të shpejtë, të sigurt dhe praktike, pa pasur nevojë për të përdorur para cash, duke e thjeshtuar procesin e pagesës dhe duke kursyer kohë.
Modernizimi i vazhdueshëm i shërbimeve
Në kuadër të angazhimit të vazhdueshëm për modernizimin dhe përmirësimin e shërbimeve, DPSHTRR vijon të ofrojë zgjidhje që e lehtësojnë përditshmërinë dhe përmirësojnë përvojën e qytetarëve.
/m.m/j.p/
Burimi: ata.gov.al
