Kalo te përmbajtja

Lajme të shpejta, të verifikuara dhe të paanshme

Lajm i fundit
Aktualitet

Rama nga Brukseli komenton protestat në Tiranë dhe Revolucionin e flamingove

Rama nga Brukseli komenton protestat në Tiranë dhe Revolucionin e flamingove
Foto: tirananews.al

Gjatë qëndrimit në Bruksel, kryeministri Edi Rama mori pjesë në Forumin e II-të të Zgjerimit të Bashkimit Evropian.

Paneli mbi zgjerimin dhe protestat në Tiranë

Rama ishte pjesë e panelit me temë “Arritjet e zgjerimit: Reforma, Investime dhe Rritje”, ku ndër të tjera komentoi edhe protestat në Tiranë. Ai tha se ato morën vëmendjen e botës, për shkak se pas tyre ishte hija e presidentit amerikan Donald Trump.

“Ajo që ka ndodhur në Shqipëri gjatë muajve të fundit ka qenë publike gjerësisht. Pati edhe një emër, revolucioni i flamingove, që tërhoqi vëmendjen e botës sepse pas kësaj është hija e Donald Trump. Nuk jam shumë i sigurt se nëse nuk do të ishte Trump, do donte t’ia dinte kush për flamingot në Shqipëri.

Është një Shqipëri e re. Njerëzit kërkojnë më shumë dhe kanë plotësisht të drejtë legjitime të kërkojnë më shumë vëmendje dhe të ngrenë më shumë pikëpyetje për vendin e tyre në këtë transformim. Ky është fakti pse jemi kaq të lidhur ngushtë me BE-në. Kjo është qasja ime e parë”, u shpreh Rama.

Pjesëmarrësit e tjerë në panel

Krahas kryeministrit Rama, pjesë e panelit ishin edhe kryeministri i Malit të Zi, Milojko Spajić, kryeministri i Maqedonisë së Veriut, Hristijan Mickoski, Komisioneri Evropian për Ekonominë dhe Produktivitetin, si dhe për Zbatimin dhe Thjeshtimin, Valdis Dombrovskis, dhe deputeti i Parlamentit Evropian, Thijs Reuten.

Burimi: tirananews.al

Të fundit Të gjitha