Pas protestës së djeshme në Tiranë, gjatë së cilës u arrestuan gjashtë persona për vepra të ndryshme penale, Policia gjeti gjatë kontrolleve në banesat e dy personave të maskuar bomba molotov. Sipas Policisë, ato do të përdoreshin kundër institucioneve, bizneseve dhe efektivëve policorë.
Sipas pamjeve të publikuara nga Policia, molotovët ishin fshehur në pjesën e pasme të automjetit, ndërsa disa prej tyre ndodheshin brenda një çante.
Për protestën e djeshme, përveç gjashtë të arrestuarve, Policia ka nisur hetimet edhe për tre persona të tjerë dhe ka shpallur në kërkim dy protestues.
Burimi: lajmifundit.al
