Një sherr mes disa personash ka degjeneruar në përplasje fizike pasditen e sotme në zonën e “Ujit të Ftohtë” në Vlorë.
Ngjarja ka ndodhur pak minuta më parë. Raportohet se njëri prej personave të përfshirë në sherr kishte me vete një mjet prerës, një thikë.
Ndërhyrja e policisë
Pas mbërritjes në vendngjarje, efektivët e policisë ndërhynë për të shuar konfliktin. Gjatë kësaj ndërhyrjeje, një prej personave u largua me vrap, gjë që e detyroi policinë të qëllojë me armë zjarri në ajër për ta ndaluar.
Personi nuk u ndal menjëherë, por u arrestua nga efektivët disa metra më tej. Ndërkohë, të gjithë personat e përfshirë në konflikt u shoqëruan në polici.
Nga përplasja nuk raportohet për persona të lënduar.
Burimi: top-channel.tv
