Pas mbërritjes së protestuesve të Partisë Demokratike pranë Ministrisë së Arsimit, aty ku ndodheshin protestuesit e thirrur nga studentët, lindën debate mes tyre.
Debati për mbështetjen politike
Disa pjesëmarrës shkëmbyen fjalë lidhur me mbështetjen politike dhe praninë e demokratëve në tubimin e të rinjve.
Gjatë një bisede, një protestues e pyeti një protestuese se çfarë funksioni ka Sali Berisha në protestën e studentëve.
Ajo u përgjigj se prej 150 ditësh ndodhet në shesh dhe se Berisha i mbështet studentët, ashtu siç, sipas saj, edhe ajo i mbështet ata.
Tone të ashpra ndaj Berishës
Ndërkohë, një tjetër protestues e kundërshtoi praninë dhe ndërhyrjen e Berishës në protestë, duke iu drejtuar me tone të ashpra.
Debati:
Protestuesi: Çfarë funksioni ka Sali Berisha?
Protestuesja: Kam 150 ditë në shesh. Ai na mbështet, ashtu siç i mbështesim ne studentët.
Protestuesi: Çfarë studenteje je ti?
Protestuesja: Jam prej 150 ditësh këtu dhe i mbështes si fëmijën tim.
Një tjetër protestues:
“Berisha, mos më leh si qeni pas gardhit! Edhe ti nuk del këtu. Por arsyeja pse nuk del është e qartë: populli dhe rinia nuk të duan, ndaj nxjerr veglat e tua për të prishur protestën.”
Burimi: lajmifundit.al
