Policia ka zbardhur detajet e zjarrit në Lezhë, ku pronari i banesës dyshohet se ka lënë një cigare të ndezur, duke shkaktuar zjarrin.
Sipas Policisë, ngjarja ndodhi më datë 07.11.2026, rreth orës 16:30, në lagjen “Skënderbeg” të Lezhës, në banesën e shtetasit A. L. Zjarri u shkaktua, sipas dyshimit, nga një cigare e lënë e ndezur nga ai.
Zjarri shkaktoi dëme materiale në banesë dhe u shuaj nga shërbimet e Zjarrfikëses.
Evakuimi i banorëve
Shërbimet e Policisë dhe të Zjarrfikëses evakuuan banorët e pallatit, duke parandaluar pasoja të mëtejshme. Për shkak të tymit, disa banorë shfaqën shenja asfiksimi dhe u transportuan në Spitalin Rajonal Lezhë. Ata po marrin ndihmë mjekësore dhe ndodhen jashtë rrezikut për jetën.
Veprimet e Policisë
Shtetasi A. L. u shoqërua në ambientet e Komisariatit të Policisë Lezhë, ku po kryhen veprimet procedurale. Grupi hetimor vijon punën për dokumentimin dhe sqarimin e plotë të rrethanave të ngjarjes.
Burimi: top-channel.tv
