Kalo te përmbajtja

Lajme të shpejta, të verifikuara dhe të paanshme

Lajm i fundit
Sport

Zhegrova largohet nga Kosova, Juventus shqetësohet për dëmtimin

Zhegrova largohet nga Kosova, Juventus shqetësohet për dëmtimin
Foto: kohajone.com

Edon Zhegrova nuk do të jetë në dispozicion të Kosovës për ndeshjen e radhës në Ligën e Kombeve ndaj Irlandës. Sulmuesi i Juventusit është larguar nga grumbullimi i përfaqësueses dardane për shkak të një problemi fizik, siç ka bërë të ditur zyrtarisht Federata e Futbollit të Kosovës.

Largimi nga grumbullimi

Futbollisti 27-vjeçar nuk do të mund ta ndihmojë skuadrën në sfidën e nesërme, pasi dëmtimi nuk e lejon të jetë në gjendjen e duhur fizike për të zbritur në fushë. Përmes një njoftimi zyrtar, Federata e Futbollit të Kosovës ka konfirmuar largimin e lojtarit nga grumbullimi.

“Edon Zhegrova është liruar nga angazhimet me Kombëtaren për shkak të një lëndimi, i cili e pengon të jetë i gatshëm për ndeshjen e ardhshme kundër Irlandës”, thuhet në komunikatën e Federatës.

Kthimi në Torino

Pas këtij vendimi, ish-futbollisti i Lille do të rikthehet menjëherë në Torino, ku do t’i nënshtrohet kontrolleve mjekësore nga stafi i Juventusit.

Në kampin bardhezi tashmë pritet të mësohet shkalla e dëmtimit dhe koha e nevojshme për rikuperimin e tij. Shqetësimi kryesor lidhet me mundësinë e aktivizimit të Zhegrovës në ndeshjen e radhës në kampionat, ku Juventusi do të përballet me Venezian të dielën, në orën 12:30, në “Allianz Stadium”.

 

Burimi: kohajone.com

Të fundit Të gjitha