Arsenali, Chelsea dhe Manchester City janë përballur me një pengesë në përpjekjen e tyre për të afruar Désiré Doué, pasi Paris Saint-Germain ka përparuar në bisedimet për zgjatjen e kontratës së sulmuesit francez, sipas raportimeve të TEAMtalk.
Edhe pse marrëveshja aktuale e 20-vjeçarit me kampionët e Francës skadon në vitin 2029, drejtuesit e klubit parisien po synojnë ta zgjasin atë edhe më tej, me qëllim që ta mbajnë lojtarin në skuadër për një periudhë sa më të gjatë.
Palët nuk kanë arritur ende një marrëveshje përfundimtare, por negociatat kanë shënuar përparim.
Interesi i klubeve angleze
Tre klubet e Premier League e kanë ndjekur me vëmendje situatën e Doué, duke shpresuar se do të krijohej mundësia për ta transferuar në Angli.
Megjithatë, raportimet tregojnë se të gjitha ato janë informuar për qëndrimin e francezit, i cili nuk planifikon të largohet nga PSG-ja.
Edhe Bayern Munichu është në garë për futbollistin, pasi klubi gjerman vazhdon të ketë interes për të, pas përpjekjes së pasuksesshme për ta blerë në vitin 2024.
Roli i Doué nën Luis Enrique
Nën drejtimin e trajnerit Luis Enrique, Doué ka fituar një rol të rëndësishëm në repartin ofensiv të PSG-së.
Pesha e tij në formacionin parisien e ka bindur klubin të punojë për t’i garantuar një të ardhme afatgjatë, duke e bërë edhe më të vështirë ndërhyrjen e skuadrave që kërkojnë ta transferojnë.
Burimi: www.albeu.com
