Egnatia ka arritur një fitore të rëndësishme jashtë fushe, duke mundur Tiranën me rezultatin 1-2 në javën e 10-të të Abissnet Superiore.
Ecuria e ndeshjes
Bardheblutë e nisën takimin me gol, pasi Hazrollaj kaloi ekipin e tij në epërsi që në minutën e 3-të. Reagimi i rrogozhinasve nuk vonoi dhe në minutën e 20-të Loukili riktheu baraspeshën, duke bërë që pjesa e parë të mbyllej me shifrat 1-1.
Në pjesën e dytë, Tirana kërkoi golin e epërsisë dhe iu afrua në minutën e 68-të me Fresnedën, por portieri Tandilashvili shpëtoi Egnatian me një pritje vendimtare. Kur barazimi dukej rezultati më i mundshëm, kampionët goditën sërish. Në minutën e 77-të, Diabate shënoi golin e fitores, duke i dhënë Egnatias tri pikë të rëndësishme dhe duke lënë Tiranën pa pikë në shtëpi.
Burimi: top-channel.tv