Kylian Mbappé e përfundoi ceremoninë e “Topit të Artë” pa asnjë trofe, edhe pse shpresonte ta fitonte për herë të parë këtë çmim prestigjioz. Fitues u shpall Harry Kane, falë 73 golave të shënuar gjatë sezonit.
Analiza e psikologut Antoni Grau
Psikologu Antoni Grau, bashkëthemelues i “Atenea Salud Mental”, analizoi për “Mundo Deportivo” reagimin e sulmuesit të Real Madridit në momentin kur u shpall fituesi: “Gjuha joverbale e Mbappé pas konstatimit se nuk e kishte fituar ‘Topin e Artë’ është shprehje e drejtpërdrejtë e ligjit të parë të teorisë së komunikimit njerëzor: është e pamundur të mos komunikosh”.
Sipas ekspertit, zhgënjimi i francezit ishte i dukshëm, pavarësisht përpjekjeve për ta fshehur: “Çdo vëzhgues me pak përvojë mund të dallojë se fytyra e tij është mbështjellë nga një zhgënjim i thellë. Mbappé shtrëngon buzët dhe i ngre lehtë cepat e tyre, në përpjekje për ta maskuar zhgënjimin si shenjë respekti ndaj Harry Kane”.
Qëndrimi i Mbappé ndaj fituesit
Ndryshe nga Lamine Yamal, Ousmane Dembélé, Luis Díaz dhe Dayot Upamecano, francezi nuk u ngrit nga vendi për ta përshëndetur fituesin, Harry Kane.
Burimi: telesport.al
