Edon Zhegrova luajti një rol me peshë në fitoren 2-0 të Juventusit ndaj Napolit. Lojtari kosovar hyri në fushë nga stolla, dhe ndikimi i tij te bardhezinjtë u vu re shpejt.
Ylli i Kosovës filloi të ndikonte në lojë në minutën e 59-të. Njëmbëdhjetë minuta më vonë, ai i shpëtoi mbrojtësit Amir Rrahmani dhe i dha topin Alajbegoviçit, i cili shënoi golin e parë me një goditje të fortë nga distanca.
Edhe pas asistimit, Zhegrova vazhdoi t’i vinte në vështirësi mbrojtjes kundërshtare. Ai hapi hapësira dhe mori përsipër veprime të ndryshme në sulm.
Pas ndeshjes, shoku i skuadrës Jeremie Boga theksoi se para takimit kishte biseduar me Zhegrovën për goditjet nga distanca. Sipas tij, të dy kishin ftuar Alajbegoviçin ta shfrytëzonte më shpesh këtë aftësi.
“Alajbegoviçi është një lojtar shumë i fortë. Para ndeshjes e diskutuam me Zhegrovën dhe i thamë të gjuajë më shpesh, e kishim parasysh. Ai ka këtë goditje dhe duhet ta përdorë më shpesh, me po atë besim që tregoi sot”, tha Boga.
Pasi Zhegrova ndihmoi në hapjen e rezultatit, Boga shënoi në minutën e 87-të dhe siguroi fitoren e Juventusit ndaj një prej kundërshtarëve më të fortë në Serie A.
Burimi: www.albeu.com
