Taylor Swift ka treguar një histori të pazakontë nga fillimet e karrierës së saj. Gjatë ceremonisë së 56-të të Nashville Songwriters Hall of Fame, më 26 tetor, këngëtarja kujtoi një rreng të Brad Paisley-t që, sipas saj, ishte i tepërt.
Swift u nderua me një çmim gjatë ceremonisë, ku Paisley, miku i saj i vjetër dhe ish-shoku i turneut, ishte ai që ia dorëzoi vlerësimin. Duke nisur fjalimin, ajo bëri shaka për marrëdhënien e tyre: “Jemi të përçarë që prej vitit 2007”.
Më pas, këngëtarja tregoi se gjatë turneut të përbashkët, Paisley kishte mbushur të gjithë autobusin e saj me mijëra bulktha të gjallë.
“Për muaj të tërë nuk mund të flija. Gjithë natën mendoja të blija një hardhucë shtëpiake për ta zgjidhur problemin”, rrëfeu ajo.
Miqësia mes Swift dhe Paisley
Pavarësisht rrengut, duket se miqësia mes tyre nuk u dëmtua. Swift dhe Paisley udhëtuan së bashku në vitin 2007, kur ajo performonte si artiste hapëse në koncertet e tij.
Madje, këtë verë, Paisley dhe bashkëshortja e tij, Kimberly Williams-Paisley, ishin të ftuar në dasmën e Swift me Travis Kelce. Para ceremonisë, çifti i sapomartuar dhuroi 26 milionë dollarë për organizata të ndryshme bamirësie, mes tyre edhe “The Store”, organizata e ndihmës ushqimore e themeluar nga Paisley dhe bashkëshortja e tij.
Paisley dhe Williams-Paisley i falënderuan publikisht për dhurimin, duke theksuar se kontributi do të ndihmonte familjet që përballen me pasiguri ushqimore në Nashville.
Fjalimi i Swift në ceremoni
Gjatë fjalimit në ceremoni, Swift u shpreh se ndihej jashtëzakonisht e nderuar që po bëhej pjesë e Nashville Songwriters Hall of Fame. Ajo kujtoi gjithashtu se kishte nisur të shkruante këngë që fëmijë dhe se, që nga kënga e saj e parë, e kishte ditur se muzika do të ishte pasioni që do t’i jepte drejtim gjithë jetës.
Burimi: anabelmagazine.com
