Kalo te përmbajtja

Lajme të shpejta, të verifikuara dhe të paanshme

Lajm i fundit
Showbiz

Shqipëria ngjitet në renditjen e FIFA-s dhe arrin vendin e 65-të në botë

Shqipëria ngjitet në renditjen e FIFA-s dhe arrin vendin e 65-të në botë
Foto: bordo.al

Kombëtarja shqiptare vazhdon të korrë frytet e rezultateve të mira, pasi shënon një tjetër përparim në renditjen botërore të FIFA-s.

Pas fitoreve 2-0 ndaj Bjellorusisë dhe Finlandës, Shqipëria është ngjitur në klasifikim dhe tani zë vendin e 65-të në botë.

Me 1,388 pikë, kuqezinjtë renditen mes Irlandës së Veriut dhe Xhamajkës, duke konfirmuar ecurinë pozitive të kombëtares në ndeshjet e fundit.

Suksesi në këto ndeshje ka pasur rëndësi të veçantë edhe për Ligën e Kombeve, ku Shqipëria siguroi vendin e parë në grupin C1 dhe ngjitjen në një divizion më të lartë.

Kosova bie në renditje

Në anën tjetër, Kosova ka rënë në renditje, duke humbur dy pozicione dhe duke u vendosur në vendin e 78-të.

Pesëshja e parë në botë

Sa i përket pesë përfaqësueseve më të mira në botë, Spanja vazhdon të kryesojë klasifikimin, e ndjekur nga Argjentina dhe Franca. Anglia mban vendin e katërt, ndërsa Maroku plotëson pesëshen e parë.

Burimi: bordo.al

Të fundit Të gjitha