Jakup Krasniqi nisur nga Haga drejt Kosovës
Jakup Krasniqi është nisur nga Haga drejt Kosovës, pasi ka marrë lejen për të vizituar familjen në një moment të vështirë shëndetësor për bashkëshorten e tij, Sevdije Krasniqi.
Lajmi është konfirmuar nga Nasim Haradinaj, i cili ka bërë të ditur se udhëtimi i ish-kryetarit të Kuvendit të Kosovës lidhet me çështje familjare. Sipas informacioneve të bëra publike, arsyeja e vizitës është përkeqësimi i gjendjes shëndetësore të bashkëshortes së tij.
Kjo shënon herën e dytë që Krasniqi kthehet në Kosovë që prej arrestimit dhe transferimit në Hagë. Vizita e parë u zhvillua më 10 tetor 2024, gjithashtu pas marrjes së lejes nga Dhomat e Specializuara.
Vizita e parë dhe masat e sigurisë
Gjatë qëndrimit të atëhershëm, ai u shoqërua nën masa të rrepta sigurie nga zyrtarë të EULEX-it dhe Policisë së Kosovës. Një nga ndalesat e tij ishte varrezat e Negrocit, ku bëri homazhe te varri i vëllait, Azem Krasniqi, nën mbikëqyrjen e zyrtarëve që e shoqëronin.
Dënimi në Hagë
Kujtojmë se më 16 shtator, Jakup Krasniqi u dënua me 25 vjet burgim nga Dhomat e Specializuara në Hagë, në të njëjtën çështje gjyqësore ku u dënuan edhe Hashim Thaçi, Kadri Veseli dhe Rexhep Selimi.
Burimi: bordo.al









