NJU JORK, 1 nëntor, ATSH/ Modelja gjermane Heidi Klum ka prezantuar kostumin e saj për Halloween 2026, duke sjellë edhe një herë një transformim të veçantë dhe të frikshëm.
Kostumi i Heidi Klum për Halloween
E njohur për kostumet ekstravagante që zgjedh çdo vit, Klum këtë herë u shfaq e transformuar në një dorë të majtë të prerë, me inde të përgjakura, thonj të gjatë të kuq dhe gishta të zbukuruar me unaza.
“Talk to the hand” (Fol me dorën), shkroi ajo në postimin në Instagram, duke e shoqëruar me humor pamjen e saj të pazakontë.
Përmes grimit dhe protezave, modelja ka realizuar një transformim që tërheq vëmendjen për realizmin e detajeve dhe estetikën horror.
Heidi Klum është kthyer në një nga personazhet më të komentuara të Halloween-it, falë kostumeve të saj origjinale dhe transformimeve që prezanton çdo vit në festën e saj tradicionale.
Burimi: ata.gov.al