Vuçiç kritikon lejen e Kurtit për Listën Studentore
Ish presidenti serb Aleksandar Vuçiç ka vënë në dyshim vizitën e përfaqësuesve të Listës Studentore në Kosovë, ku ata u takuan me peshkopin Teodosije në Graçanicë. Sipas tij, kryeministri Albin Kurti u ka lejuar hyrjen atyre, ndërsa prej vitesh nuk lejon as Vuçiçin dhe as familjarët e tij të shkojnë në Kosovë, qoftë edhe për vizita private.
“Unë prej vitesh nuk mund të hyj në Kosovë. As si qytetar, madje as ndonjë anëtar i familjes sime nuk mund të vijë privatisht, sepse Albin Kurti nuk e lejon këtë. Ndërsa atyre ua lejon”, deklaroi Vuçiç për “Nacionalni Magazin”, sipas KosovaPress.
Dyshime për deklaratat e përfaqësuesve studentorë
Vuçiç iu referua edhe deklaratave të përfaqësuesve të Listës Studentore, të cilët fillimisht kishin mohuar se kishin shkuar në Kosovë si përfaqësues politikë. Megjithatë, sipas tij, në një komunikatë të mëvonshme ishte theksuar se peshkopi Teodosije i kishte pritur si përfaqësues të kësaj liste.
“Ata e dinin shumë mirë dhe pikërisht për këtë e morën lejen, sepse e dinin”, deklaroi Vuçiç.
Ai u kërkoi qytetarëve të mendojnë përse përfaqësuesve të Listës Studentore u është lejuar hyrja në Kosovë dhe përse Nenad Rashiçi i lavdëron aq shumë.
Burimi: shqiptarja.com
