Kryeministri Edi Rama ka njoftuar përmes një postimi në Facebook se punimet për “Rrugën e Gjashtë” dhe hapja e tunelit në Sarandë po përparojnë me shpejtësi, ndërsa pritet të përfundojnë gjatë vitit të ardhshëm.
Rruga e Gjashtë dhe tuneli në Sarandë
Rama thekson se ky investim ka si qëllim lehtësimin e qarkullimit, uljen e trafikut dhe përmirësimin e kushteve të lëvizjes për banorët dhe turistët që e vizitojnë Sarandën çdo vit.
Sipas kryeministrit, projekti përbën një nga ndërhyrjet më të rëndësishme infrastrukturore për qytetin bregdetar.
“Më pak trafik, më shumë lehtësi për banorët dhe kushte më të mira për mijëra turistë që zgjedhin Sarandën çdo vit.
Punimet për “Rrugën e Gjashtë” dhe hapjen e tunelit po avancojnë me ritme të shpejta, për të përfunduar vitin e ardhshëm, duke i dhënë jetë një prej investimeve më të rëndësishme infrastrukturore për Sarandën”
Burimi: abcnews.al
