Shumica socialiste miratoi të enjten në Kuvend ligjin për Bankën e Shqipërisë, mes kundërshtimeve të ashpra të opozitës, e cila akuzoi qeverinë e Edi Ramës se po përdor forcën e numrave për të mbrojtur interesat e saj politike.
Sipas opozitës, socialistët u rreshtuan për të mbështetur nismën ligjore të qeverisë, duke ngritur pikëpyetje mbi motivet dhe mënyrën se si po vepron shumica parlamentare.
Debati për deputeten Milva Ekonomi
Në qendër të debatit ishte edhe prania e deputetes socialiste Milva Ekonomi, e cila sipas pretendimeve të opozitës u thirr nga spitali për të marrë pjesë në votim. Belinda Balluku u pa në sallën e Kuvendit gjatë zhvillimeve që shoqëruan miratimin e ligjit.
Kryeministri Edi Rama u largua nga salla e Kuvendit menjëherë pas përfundimit të votimit, në një moment kur përplasjet politike mes palëve vijonin të ishin të forta.
Burimi: kohajone.com
