Fillimisht, që nga data 1 janar, të gjithë punonjësit e Policisë së Shtetit do të përfitojnë nga një rritje e pagave. Sipas burimeve, kjo rritje parashikon 20 mijë lekë të reja shtesë për punonjësit e nivelit bazë dhe 15 mijë lekë të reja për efektivët me grada më të larta, duke përfshirë edhe drejtuesin madhor.
Rritja më e madhe e pagave për Policinë e Shtetit
Kjo masë konsiderohet si rritja më e konsiderueshme e pagave e ndërmarrë ndonjëherë për punonjësit e Policisë së Shtetit. Kryeministri Edi Rama dhe ministri i Brendshëm, Ervin Demo, e kanë vlerësuar më parë këtë vendim si një përmirësim të ndjeshëm për uniformat blu.
Vendimi vjen në një moment të tensionuar, gjatë protestave që janë zhvilluar ditët e fundit në vend, disa prej të cilave janë shoqëruar me akte dhune dhe përplasje mes protestuesve dhe policisë. Gjatë këtyre protestave, efektivët janë gjetur në qendër të kritikave dhe akuzave nga protestuesit për mënyrën se si është menaxhuar situata.
Vetëm pak ditë më parë, qeveria njoftoi gjithashtu një shpërblim prej 2,500 eurosh për punonjësit e Policisë së Shtetit, si vlerësim për angazhimin e tyre gjatë situatave të vështira të krijuara nga protestat.
Burimi: tirananews.al
